Reagon drejtori i DKA-së
/2L ONLINE/ – Rreth situatës që ka të bëjë me protestën e nxënësve të klasës së parë në shkollën fillore “Thimi Mitko” sde e duan mësuesen e mëparshme e jo mësuesen e tanishme dhe reagimit të një prindi lidhur më këtë, /shih shkrimin “Klanet e ndryshme mafioze bëjnë lista natën e ditën largojnë mësuesen më të mirë”/, ka reaguar Nazmi Musa, drejtor i DKA-së
Ja reagimi I tij I plotë pa ndërhyrje:
Shkolla fillore e mesme e ulët “ Thimi Mitko”
Reagimi i prindërve dhe nxënësve të klasës I/8
Pra, nxënësit e klasës se I/8 protestojnë duke kërkuar mësuesen e tyre pa konkurs, Safeten dhe nuk e dashkan mësuesen e pranuar me konkurs: Mirjeta Syllen !
Edhe unë po pajtohem me artikullin e portalit 2Lonline me titull:
”Klanet e ndryshme mafioze bëjnë listën natën e ditën largojnë mësuesen më të mirë”
Të nderuar këshilltarë,
Këtu e paqartë mbesin shumë pyete e paqartësi për opinionin:
1. Kush janë klanet e natës?
2. Kush e bëri performancen e kësaj mësueseje të “ larguar” dhe cili ishte shkaku i largimit?
3. Sa vite kishte punuar kjo mësuese pa konkurs, në mënyrë te jashtëligjshme?
4. Kush e vlerësoi mësuesen e re se nuk qenka edhe kjo e mirë e, shumë pyetje të tjera.
5. Pse kjo mësuese e nderuar dhe këta prindër nuk e ndjekin rrugën ligjore për të kundërshtuar procesin zgjedhor?
Unë do të thosha se:
Strukturat mafioze janë ato që i mashtrojnë njerëzit për punësim, duke mos e respektuar Ligjin për Shkollimin Parauniversitar në Republikën e Kosovës e duke i venë prindërit në lojërat e tyre të ndyra, për çështje personale.
Njerëzit mafioz janë ata që i sakrifikojnë fëmijët 6 vjeçar të klasës së parë për interesa të tyre, duke i detyruar t’i mbajnë parullat në duar e , duke rrezikuar shëndetin e tyre në këto temperatura të ulëta në protestë para shkolle.
Njerëzit mafioz janë ata që nuk respektojnë zonën e shkollës prej nga vijën nxënësit në këtë shkollë.
Njerëzit mafioz janë ata që u premtojnë punësim njerëzve që u sigurojnë vota për ta gjatë fushatës zgjedhore etj.
Drejtoria e Arsimit në Gjilan udhëhiqet nga njerëz të kualifikuar profesionalisht, të edukuar moralisht dhe detyrat e obligimet e tyre i kryejnë në mbështetje të Ligjit për Shkollimin Parauniversitar në Republikën e Kosovës, normativat e MASHT-it dhe rregulloret që drejtojnë fushën e arsimit.
Prindërit ,pa fajin e tyre, kanë shprehur reagimet, por ata që i kanë organizuar dhe nxitur në këtë veprim, pra mafiozi, u ka mbetur borxh t’ua shpjegojë një nen të po këtij ligji ku thuhet:
Citoj Nenin 15 pika 4 të Ligjit për shkollimin Parauniversitar në Republikën e Kosovës:
“ Nëse nxënësi pa ndonjë arsye nuk regjistrohet, nuk vijon shkollimin ose e ndërprenë shkollimin e detyruar, prindërit e tij dënohen për kundërvajtje nëse mungesa është rezultat i veprimit të paramenduar ose i neglizhencës së prindërve. Në raste të tilla, komuna e njofton Ministrinë me shkrim “
Veç tjerash, para se mafiozi t’i ngashërente prindërit e nxënësve për një veprim të këtillë ,do të ishte dashur t’u bënte me dije edhe Rregulloren për Organizimin, Kompetencat dhe Përgjegjësitë e Organeve të Administratës Komunale, përkatësisht nenin 4,pika 1 ku shkruhet saktë:”
“Me çdo drejtori menaxhon dhe udhëheq drejtori i cili i përgjigjet dhe i raporton Kryetarit t Komunës “.
Po në këtë rregullore bëhen të çarta kompetencat, përgjegjësitë dhe obligimet e drejtorit të arsimit në nenin 7 pika 1 deri në piken 33, në veçanti neni 2, citoj:
“ Punësimi i mësimdhënësve dhe personelit tjetër të shkollave në pajtueshmëri me procedurat ligjore të rekrutimit, përzgjedhjes dhe punësimit të të punësuarave publik” -jane kompetence e drejtorit te DKA-së.
Pra, siç po shihet, klani mafioz, kushdo çoftë ai apo ajo, na qenka i erret, i verbër dhe pa tru, e jo DKA-ja, drejtori apo komisioni vlerësues i kandidatëve.
Rruga për ankesa dhe të drejtat e kandidateve mbeten të hapura !
Me respekt,
Drejtori i Drejtorisë së Arsimit,
Nazmi Musa