Reagojnë banorët e Zabelit, mbi 17 orë pa rrymë!

Banorët e një pjese të lagjes “Zabeli i Sahit Agës” në Gjilan kanë reaguar për mungesë të energjisë elektrike.

Sipas tyre, mbi 17 orë është pa energji elektrike kjo pjese e lagjes “Zabeli i Sahit Agës”.

“Ditën e djeshme është ndalë rryma në ora 17:00, e deri me sot nuk ka ardhur. Në fakt ka ardhur vetëm 20 minuta porse prapë e kanë ndal. Kjo është e patolerueshme, kur dihet që është sezona e dimrit dhe nuk kemi as drita dhe as ngrohje”, ka thënë për 2LONLINE, Sabit Shkodra, qytetar i kësaj lagjeje të Gjilanit.

Deri në momentin e botimit të këtij informacioni, mësohet se rryma në këtë pjesë të Zabelit, akoma nuk ka  ardhur. /2LONLINE/