Rashiti: Vullnetin dhe gatishmërinë e PDK-së për të miratuar buxhetin, kryetari i Gjilanit nuk mundet ta nëpërkëmbë

“Vullnetin dhe gadishmërinë e PDK-së për të miratuar buxhetin komunal për 2025, kryetari i Gjilanit nuk mundet ta nëpërkëmbë”, ka thënë Riad Rashiti, kryetar i PDK-së, dega në Gjilan.

Ai shtoi se deri sot, PDK ka pritur përgjigjet dhe veprimet e kryetarit të komunës ndaj kërkesave ligjore dhe procedurale, të PDK-së.  për ta votuar buxhetin e komunës.

“Qasja tij dhe gjuha e përdorur karshi opozitës në Gjilan, po e tregon qëllimin e vërtet se ai nuk e dëshiron miratimin e buxhetit në Kuvendin Komunal, për të vazhduar viktimizimin e tij si instrument për të mbuluar dështimet e jashtëzakonshme në qeverisjen e tij”, ka thënë Rashiti.

Ai ka rikujtuar se në konferencën e PDK-së për media, përveç tjerash kishin deklaruar se, si PDK do të ndërmarrin hapa të tjerë ligjor dhe procedural ndaj kësaj çështje tejet të rëndësishme për komunën tonë.

“Qytetarët e Gjilanit tashmë e din kush ka bllokuar çdo projekt madhor për komunën dhe rajonin tonë. E din mirë ku është adresa e dështimit. Ne si PDK kemi qenë dhe mbetemi pjesë e vendimmarrjes në Kuvendin Komunal, qasja jonë asnjëherë nuk ka qenë bllokuese, përkundrazi”, ka thënë kreu i PDK-së, së Gjilanit, Riad Rashiti.  /2LONLINE/