Rashiti (PDK): Familjet tona po e ndriçojnë vjedhjen e Qeverisë me pagesat që bëjmë çdo muaj!

“Në vitin 2025, Qytetarët e Kosovës nuk po paguajnë më shumë për shkak të krizës së energjisë globale, por për shkak të hajnisë së organizuar nga Qeveria Kurti dhe monopoleve të energjisë që i mbron ajo”, ka thënë në një reagim të tij, Riad Rashiti, kryetar i Partisë Demorkatike të Kosovës (PDK), Dega në Gjilan.

Sipas tij, transporti i energjisë që u ble me 1.11 euro për MWh, po na faturohet me 798 euro. Në shtetet e Ballkani ka pas rritje vetëm prej 10–30%.

“Kjo nuk është ekonomi, kjo nuk është krizë, kjo është vjedhje e legalizuar dhe ne qytetarët po paguajmë për: – Marrëveshje të fshehta me kompani private, Pazare në errësirë, Heshtjen kriminale të ZRRE-së, por edhe për Fajin e mos reagimit të organizuar qytetarë”, ka thënë Rashiti i PDK-së.

Sipas tij, ky  është abuzim me paranë publike dhe poshtërim i çdo fature që paguajmë!

“Secili nga ne, duhet ta ndriçojmë të vërtetën dhe jo vetëm faturat tona”, ka thënë, në fund të reagimit të ti, i pari i PDK-së, së Gjilanit.  /2LONLINE/