Rashiti: Pamje të tmerrshme!

Po të udhëtosh në rrugën magjistrale, Gjilan – Ferizaj, do të hasësh në pjesë të rrugës si në fotot e mëposhtme të dërguara nga një lexues i yni në fshatin Livoç i Ultë.

Ky dëmtim i asfaltit ka nxituar reagime të shumta të qytetarëve të asaj ane, por edhe në përgjithësi të gjilanasve, e  edhe të subjekteve politike të cilët fajësojnë pushtetet e niveleve lokale e qendrore që kanë lejuar një gjë të tillë, ndonëse është asfaltuar tani së fundi.

Një reagim ka ardhur edhe nga kryetari i PDK-së së Gjilanit, Riad Rashiti.

“Këto pamje janë vërtet të tmerrshme, por kështu është kur adoleshentët qeverisin me Gjilanin, kur praktikanti i VV-së e luan rolin e inxhinierit dhe t’i mbikëqyrë projektet kapitale. Sepse pas tre muajsh që asfaltohet kjo rrugë të bëhet në këtë gjendje është turp, plus është hera e tretë që e njëjta rrugë është asfaltuar brenda dy viteve të fundit”, ka thënë Rashiti.

Sipas tij, “për Gjilanin nuk ka rrugë tjetër, në zgjedhjet lokale këtë kryetar komune që e kemi, duhet me emëru drejtor të kinemasë sepse është i lindur vetëm për filma të të gjitha zhanreve, prej komedisë, dramave dhe horrorit”

“Turp i madh çka po ndodhë me qytetin tonë”, përfundon reagimin e tij, Riad Rashiti i PDK-së.  /2LONLINE/.