Rashiti: Kësaj i thonë tragjedi politike dhe ekonomike, Gjilani ka humbur 120 milionë euro investime

“Për katër vite, nën qeverisjen e mjerueshme të Alban Hysenit, Gjilani ka pësuar krime politike dhe ekonomike. Dështim pas dështimi, premtime të rrejshme dhe një qytet i bllokuar totalisht”, ka thënë Riad Rashiti, kreu i PDK-së së Gjilanit, njëherësh kandidat i këtij subjekti për kryetar komune në zgjedhjet që do të mbahen me 12 tetor.

Sipas tij , këto janë dëshmitë e 20 projekteve të kontraktuara, planifikuara, financuara dhe bllokuara:

Qarkoren e re të qytetit Gjilan 27,000,000.00
Impianti i Ujërave të Zeza 26,000,000.00
Palestra e sporteve në Zhegër 1,200,00.00
Arhiva e Komunës Gjilanit 2,200,000.00
Parkingu nëntokësor 1,000,000.00
Stadiumi i qytetit Gjilan 12,000,000.00
Kult Qendra 1,300,000.00
Varrezat e reja të qytetit 1,300,000.00
Fshati Social 1,000,000.00
Autostrada 35,000,000.00
Smart City 750,000.00
Tabelat digjitale në shkollat e Gjilanit 300,000.00
Projekte të QMF 350,000.00
Projekte të shkollave 200,000.00
Palestra sporteve Bashkim Selishta 2,500,000.00
Zgjerimi rrugës dalje për Prishtinë 500,000.00
Funksionalizimi i Rrjeteve të ujësjellësit 1,000,000.00
Objekti i administratës komunale 2,800,000.00
Zona Ekonomike 2,200,000.00
Projekte tjera infrastrukturore 2,100,000.00

“Ky kryetar komune e ka rrënuar qytetit tonë, ka vrarë shpresën e rinisë dhe e ka kthyer Gjilanin në shembull të paaftësisë politike. Unë, nuk do ta lejoj më këtë turp”, ka thënë tutje Riad Rashiti i PDK-së.

Ai shtoi se Gjilani nuk meriton kryetar që shkatërron investimet, por lidership që punon për qytetarët.

“Më 12 tetor, i japim fund mashtrimit.  Na duhesh edhe TI për ta bërë ndryshimin e madh në Gjilan”, ka thënë Rashiti i PDK-së, i cili më 12 tetor, garon për postin e të parit të komunës.  /2LONLINE/