Rashiti: Agjërim të lehtë dhe të pranuar për të gjithë besimtarët islam!

Riad Rashit, kreu i PDK-së së Gjilanit u shpreh se Ramazani është muaji i bekuar dhe i shenjtë për të gjithë besimtarët që besojnë në Zotin e gjithësisë.

“Ky muaj i madhëruar është periudha e agjërimit, adhurimit dhe afrimit shpirtëror me Krijuesin. Ne si besimtarë duhet të shfaqim më shumë durim, devotshmëri dhe përkushtim, duke pastruar zemrat tona dhe duke u angazhuar në vepra të mira”, ka thënë Rashiti, gjatë vizitës në Këshillin e Bashkësisë Islame në Gjilan.

Ai shto ise Ramazani simbolizon mëshirën, faljen dhe begatitë hyjnore, ku çdo vepër e mirë shumëfishohet dhe çdo lutje e sinqertë është e pranuar.

“Le të jetë ky muaj momenti i forcimit të besimit dhe i afrimit me njëri-tjetrin në frymën e solidaritetit dhe dashurisë”, ka thënë Rashiti. /2LONLINE/