Rashica motivon skuadrën, “Fitojmë tri ndeshjet e mbetura dhe shkojmë në Evropian”
Nesër zhvillohet ndeshja Kosovë – Mali i zi, e vlefshme për kualifikimet Euro 2020.
Milot Rashica, apo ndryshe qysh po e thërrasin tifozët si ‘Raketa’ e Werder Bremenit dhe Kosovës, ka folur në konferencë për shtyp duke thënë se Kosova ka gjasa të mira për tu kualifikuar në Evropian.
“Besoj që deri tash kemi bë rrugëtim shumë të mirë dhe të gjithë lojtarët kemi marrë përvojë të mirë. Edhe pse Anglia ka humbur, pa marrë parasysh, sado që janë vështirësuar punët, pavarësisht rezultatit atje, ne hyjmë në çdo ndeshje për fitore. Shpresojmë të fitojmë qysh nesër e më pas të koncentrohemi për ndeshjen e radhës. Ne kemi besuar nga fillimi, prej kur kemi parë grupin, pas çdo ndeshje kemi pasur besim për ndeshjen e radhës. Gjithçka është e mundshme, veç duhet me i pa ndeshje pas ndeshje”, ka thënë Rashica.
