Raportohen raste të zjarrvënies, organizimit të bixhozit të paligjshëm dhe të aksidentit të trafikut me lëndime

Në statistikat e Policisë Rajonale të Gjilanit janë regjistruar raste të të zjarrvënies, organizimit të skemave piramidale dhe bixhozit të paligjshëm dhe të aksidentit të trafikut me lëndime

Raporti i policisë:

INCIDENTET KRIMINALE

ZJARRVËNIE

Rr. Xhozef Baiden III, Gjilan 09.08.2022 – 21:30. Me 19.08.2022 është identifikuar dhe arrestuar i dyshuari mashkull kosovar, pasi që ditë më parë i kishte vënë zjarrin lokalit privat të viktimës mashkull kosovar. Zjarrfikësit kishin shuar zjarrin. Me vendim të prokurorit, i dyshuari është dërguar në mbajtje.

ORGANIZIM I SKEMAVE PIRAMIDALE DHE BIXHOZIT TË PALIGJSHËM

Lagjja Iliria, Kamenicë 19.08.2022 – 23:30. Është arrestuar i dyshuari mashkull kosovar pasi ai është zënë në një shtëpi duke kryer veprimtari të paligjshme lojëra fati. Me vendim të prokurorit i dyshuari është dërguar në mbajtje.

RASTET TJERA – NGJARJET:

AKSIDENT TRAFIKU ME LËNDIME

Lagja Malësia, Kamenicë, 19.08.2022-18:30. Ka ndodhë një aksident trafiku me lëndime ku të përfshirë kanë qenë një automjet i udhëtarëve dhe një  motor me targa vendore dhe me drejtues meshkuj kosovarë. Si pasojë  e aksidentit, lëndime trupore ka pësuar drejtuesi i motorit i cili pas tretmanit mjekësor është liruar. Rasti nën hetime.   /2LONLINE/