Raportimi i rasteve të diskriminimit  edhe përmes platformës perkatëse

Koordinatorja e Njësisë Komunale për të Drejtat e Njeriut në Komunën e Kamenicës, Nazmije Demolli Kastrati ka bërë me dije se platforma, www.raportodiskriminimin.org, mundëson raportimin e rasteve të diskriminimit, përfshirë edhe martesat e hershme, në mënyrë konfidenciale.

Sipas saj, kjo platformë është një mjet i rëndësishëm për qytetarët që të denoncojnë raste të tilla dhe për ne që të ndërmarrim veprime të duhura.

“Gjithashtu, dëshiroj t’ju informoj për vendimin e Kryeministrit për themelimin e Grupit të Punës për Parandalimin e Martesave të Hershme për komunitetin rom, ashkali dhe egjiptian në Kosovë. Ky grup pune do të luajë një rol të rëndësishëm në koordinimin e përpjekjeve tona për të adresuar dhe parandaluar këtë çështje”, ka thënë Nazmije Demolli Kastrati.

Sipas sja, ky informacion ka për qëllim të rrisë ndërgjegjësimin dhe të promovojë përdorimin e platformës për raportimin e rasteve të diskriminimit. /2LONLINE/