Ramaj: Ne kryejmë punë të çmuar për të gjithë qytetarët e komunave tona!
/2L ONLINE/ – “Me gjasë prononcimi im për disa përfaqësues politik ishte i komplikuar. Prandaj, do të përpiqem edhe një herë më thjeshtë“. Kështu thotë Senad Ramaj, përfaqësues i Eco-Higjiena dhe i Moser Group Austria, në një deklaratë të tij. Sipas tij, nga 170 punëtorë tanë sa kemi, së paku po aq kanë farefisë në PDK sa kanë edhe në LDK, disa prej tyre kanë në AAK, apo në AKR, ose në Vetëvendosje, ose tek ndonjë parti tjetër politike apo institucion shtetëror në Gjilan. Kjo nuk është diçka e jashtëzakonshme por, plotësisht normale në një demokraci.
Mirëpo, sipas Ramaj, për të veçuar disa punëtorë dhe ata për t‘i skandalizuar, është një lojë e marrëzishme, e padrejtë kundruall punëtorëve dhe kundër principeve demokratike. E njëjta gjë vlen për 12 praktikantët që ishin në praktikë këtë vit të punësuar.
“Nga Avdyl Aliu ne nuk kemi marr truall me qera. Ne e kemi marr me qera truallin e fqinjit, për arsye se ne na duhet për separim të mbeturinave. Me kë është ky fqinj në farefisni , kjo nuk na ka interesuar dhe nuk ka pasur asnjë ndikim në vendimmarrjen tonë”, ka thënë Ramaj.
Sipas tij, ata grumbullojnë mbeturinat nga të gjithë qytetarët pa pyetur a është ndokush PDK, LDK apo cilës do qoftë parti apo kë e ka atje për farefis. Për ta është me rëndësi të paguhen tarifat rregullisht. Moser-Group në Kosovë ka interesat e veta afariste dhe asnjë interes politik.
Ramaj ka thënë se secili deputet i Kuvendit Komunal më 29.09.2016 ka pranuar një raport në lidhje me zhvillimin e kompanisë të përbashkët në këto 4 vjetët e shkuar. Nëse dikush flet për keqmenaxhim, ai ose nuk e ka lexuar raportin ose atë nuk e ka kuptuar.
“Për mua do të ishte me rëndësi, që përfaqësuesit politik të mos fshihen prapa fasadës lokal-partiake por, në fund të tekstit të vendosin emrin e plotë nëse, atë çka përhapin në media atëherë edhe të qëndrojnë prapa thënieve. Aq më tepër më bëhet qejfi nëse personalisht tek unë paraqiten dhe informohen për fakte, në vend që kompaninë tonë ta diskreditojnë dhe ta keqpërdorin për qëllime politike”, ka thënë Senad Ramaj, përfaqësues i Eco-Higjiena dhe i Moser Group Austria. /2L ONLINE/