Ramadani thotë se do ta japin maksimumin që ndeshjen ndaj Feronikelit ta mbyllim me fitore

Futbollisti i SC Gjilanit, Besir Ramadani tha se ai dhe bashkëlojtarët e tij e dijnë rëndësinë e ndeshjes ndaj Feronikeli ’74 dhe këtë gjë e ka bërë të ditur në konferencën për shtyp, para duelit.

Mbrojtësi i qendrës, i skuadrës “kuq e bardhë”, ka potencuar që do të japin gjithçka me shokë që këtë ndeshje ta mbyllin në mënyrën më të mirë të mundshme.

“Për ne është ndeshje e rëndësishme. Jemi të vetëdishëm se kundërshtari nuk ka se çfarë të humbet dhe padyshim që do jetë një ndeshje e vështirë. Ne jemi të përgatitur për këtë ndeshje, duhet të dalim të japim maksimumin dhe të luftojmë shumë për njëri tjetrin në mënyrë që të arrijmë fitoren e radhës”, ka thënë ai.

Ramadani tha se janë të përqendruar maksimalisht për duelin e nesërm. “E dijmë që në futboll nuk ka ndeshje të lehta, por ne do të kemi qasje shumë serioze duke rrespektuar kundërshtarin dhe duke luftuar për të marrë maksimumin e pikëve”.

24 vjeçari i skuadrës gjilanase theksoi se fitorja ndaj Suharekës u ka dhënë forcë dhe motiv shtesë grupit, ndaj dueli i radhës ndaj Niklit do të jetë konfirmim i formës së mirë.

“Fitorja në duelin e fundit ndaj Suharekës ka shtuar motivin dhe besimin te grupi. Mezi po e presim takimin e radhës ndaj Feronikelit ’74”, tha ai.

Dueli ndërmjet Feronikeli ’74 dhe Gjilani zhvillohet të premten me fillim nga ora 15:00 në stadiumin “Rexhep Rexhepi” të Drenasit. /2LONLINE/