Ramadani: Pse institucionet e Kosovës po heshtin për rastin “Kumanova”?
Sekretari i Aleancës për Ardhërinë e Kosovës, Burim Ramadani, ka reaguar sot në llogarinë e tij në Facebook, ku ngrehë pikëpytje se pse institucionet e Kosovës po heshtin për rastin “Kumanova”.
Ky është postimi i plotë i Ramadanit në Facebook:
“Pse institucionet e Kosovës po heshtin për rastin “Kumanova”?
Kërkesa e vetme është që qytetarët e Kosovës le ta dijnë se pushteti kosovar ka ditur për një rast që ka qenë i përgatitur një kohë më të gjatë apo pushteti kosovar nuk ka ditur asgjë?
Nëse nuk e ka ditur, atëherë pse në Kosovë ekzistojnë institucionet e sigurisë? Pse ne qytetarët e Kosovës paguajmë nga taksat tona për pagat e tyre? Dhe, kush është përgjegjës, përveç tyre, që t’i përgjegjin qytetarëve?
Nëse kanë ditur, pse nuk tregojnë çka dhe si ka ndodhur? Kush është apo kush janë përgjegjësit nga institucionet e Kosovës?
Ky është rasti më i madh pas lufte me pasoja kaq të mëdha të brendshme dhe ndërkombëtare!
Prandaj, kërkoj përgjigjje nga këta që e kanë obligim kushtetues dhe marrin paga nga taksat tona!
Këto pyetje duhet të shtrohet për çdo ditë! Derisa dikush të përgjigjet apo të merr përgjegjësi!
Institucionet e Kosovës nuk guxojnë të heshtin!
Këtu interesimi është për palën kosovare, jo për të tjerët…”/Indeksonline/