Ramadani: Pritni edhe pak dhe shiheni kush feston

Sekretari i Përgjithshëm i Aleancës për Ardhmërinë e Kosovës, Burim Ramadani, ka krahasuar festën e sotme që po e bën PDK me deklarata, me atë të 8 qershorit që u bë me traktorë, në Prishtinë. Përmes një postimi në Facebook, ai i çon selam PDK-së, duke u thënë të presin edhe pak, që ta shohin se kush feston. Ai ka shtuar se populli i Kosovës nuk e duron më kapjen e shtetit.

“Po i lexoj deklaratat e PDK-së gjatë ditës së sotme dhe mu kujtuan festimet e PDK-së me traktorë në Prishtinë, më 8 qershor 2014.

Edhe sot po më duket njëjtë.

Prisni edhe pak dhe shiheni kush feston!

Kosova, përfundimisht, do të tejkalojë Kapjen e Shtetit.

Populli i Kosovës nuk e duron më Kapjen e Shtetit.”