Ramadani: Ndeshja ndaj Gjilanit do të jetë e vështirë, e lodhshme, por ka shumë motiv

Pas ndeshjes së Conference Leagues, skuadra e Dritës kthehet në Superligë, për ndeshjen e xhiros së 8-të derbi, kundër rivalit lokal SC Gjilanit.

Sipas kryetrajnerit të Dritës, Zekirija Ramadani, për këtë takim ka shumë motiv, pa marrë parasysh kë ke përballë.

“Ky takim është i vështirë, i lodhshëm, por ka shumë motiv” ka thënë Ramadani.

Ai tha se të jeshë trajner i Dritës nuk ka përgjegjësi më të madhe a më të vogël, përgjegjësia dihet, duhet të fitosh.

“Ndoshta është më e vështirë të motivosh ekipin, sepse atë e motivon vetë derbi lokal. Nuk ka ndeshje të lehta gjithëmonë ka ndeshje të vështira e sidomos kur është derbi, është dy herë më i vështirë, por derbi luhet për t’u fituar. Edhe pa trajner të ishte ekipi i Gjilanit ne e dimë punën tonë, ne e kemi objektivin tonë. Ne i marrim 3 pikë, pra tifozët tanë deri në derbin e ardhshëm, janë kryesues të qytetit”, theksoi Ramadani.

Ai tha se i intereson loja motivuese, i intereson angazhim maksimal dhe që është me rëndësi, objektivi që është 3-pikëshi.

Duke iu referuar se në anën e kundërshtarët, skuadrën do ta drejtojë Orhan Abdi, trajneri Ramadani tha se e pret ndeshjen si gjitha të tjerat me një koleg të ri, por që respektojnë punën e njëri-tjetrit, gjithsesi!

Sipas Ramadanit në derbi vendos një moment, nga një gjujtje e lirë, nga një gabim individual, për shkak që ai gabim imponohet nga presioni i ndeshjes,…

Ndërsa, sipas futbollistit Jorgo Pëllumbi, që kohëve të fundit ka përforcuar Dritën, çdo derbi është i rëndësishëm, sidomos ky, për aq sa ka dëgjuar.

Ai u shpreh shumë falemnderues ndaj bashkëlojtarëve, stafit, trajnerit, pasi i duket sikur ka shumë kohë këtu. “Është një kampionat me shumë talentë, pak na vështirëson fusha, infrastruktura, por vlerësojë garën”, theksoi Pëllumbi.

Derbi SC Gjilani-FC Drita zhvillohet nesër, e hënë, ora 15:00, në Stadiumin Sintetik në Gjilan.  /2LONLINE/