Ramadani: Ekipi ka kapur ritmin dhe formën e duhur – objektivi ynë gjithmonë trepikëshi

Nesër, FC Drita do të përballet me FC Ferizajn në ndeshjen e javës së 10-të, në Superligën e Kosovës në Futboll, e kryetrajneri i skuadrës gjilanase, Zekirija Ramadani tha se i pret një ndeshje e vështirë, është i bindur se edhe nesër nuk do të jetë lehtë fare, pro se beson në fitore.

“Mendoj që ekipi ka kapur ritmin dhe formën e duhur dhe për momentin jemi në një seri të duhur dhe shpresojmë që me angazhim, mund dhe vrap te vazhdojmë tutje. Objektivi ynë është i njëjtë, ta mbrojë titullin dhe të jemi sërish në Evropë”, theksoi trajneri Ramadani.

Ai tha se i intereson gjithmonë trepikëshi, objektivi që kanë dhe shpresojnë dhe besojnë t’i marrim pikët e plota nga ndeshja e nesërme.

Ndeshja FC Drita – FC Ferizaj zhvillohet nesër, e diel në orën 13:00, në Stadiumin ndihmës – Te rrethi, Gjilan.  /2LONLINE/