Rajoni i Gjilanit: Shqiptohen 1 mijë e 655 gjoba brenda një jave
/Aktivitete javore në trafikun rrugor/
“Drejtoria Rajonale e Policisë Gjilan, Njësia rajonale e Trafikut Rrugor dhe Stacionet Policore gjatë periudhës kohore 15.08.2025 – 21.08.2025 në vazhdën e implementimit të planeve operative për siguri në trafik kanë shqiptuar 1 mijë e 655 gjoba”, ka thënë Ismet Hashani, Përgjegjës i Zyrës për Informim i Policisë së Kosovës (PK), në Drejtorinë Rajonale në Gjilan.
Gjatë kësaj periudhe në kuadër të këtyre planeve janë ndërmarr aktivitete edhe në:
Hetim i njëmbëdhjetë (11) aksidenteve të trafikut me dëme materiale,
Hetim i tetëmbëdhjetë (18) aksidenteve të trafikut me të lënduar,
Shqiptuar masa e ndalim drejtimit të mjeteve motorike për tridhjet e katër (34) ngasës.
Janë tërhequr nga komunikacioni gjashtë (6) motoçikleta në kuadër të planit operativ ‘’Motoçiklisti i rrezikshëm’’.
Janë shqiptuar gjithsejte 44 gjoba për folie të vendosura jashtë ligjshëm në xhamat e automjeteve
Përmes postës janë shpërndarë gjithsej 45 gjoba për kundërvajtje në trafikun rrugor.
“Me qëllim parandalimin e aksidenteve në trafik, Drejtoria Rajonale e Policisë në Gjilan apelon tek të gjithë ngasësit që të respektojnë dispozitat ligjore në trafik. Siguria në rrugë është përgjegjësi e përbashkët”, ka thënë Ismet Hashani, Përgjegjës i Zyrës për Informim i Policisë së Kosovës (PK), në Drejtorinë Rajonale në Gjilan. /2LONLINE/