Rajoni i Gjilanit: Shqiptohen 1 mijë e 374 gjoba brenda një jave

/Aktivitete javore në trafikun rrugor/

Drejtoria Rajonale e Policisë Gjilan, Njësia rajonale e Trafikut Rrugor dhe Stacionet Policore gjatë periudhës kohore 08.08.2025 – 14.08.2025 në vazhdën e implementimit të planeve operative për siguri në trafik kanë shqiptuar njëmijë e treqind e shtatëdhjetë e katër (1374) gjoba.

Gjatë kësaj periudhe në kuadër të këtyre planeve janë ndërmarr aktivitete edhe në:

• Hetim i tridhjetë e nëntë (39)  aksidenteve të trafikut me dëme materiale,    
  • Hetim i tridhjetë e katër (34) aksidenteve të trafikut me të lënduar,
  • Shqiptuar masa e ndalim drejtimit të mjeteve motorike për nëntëmbëdhjetë (19) ngasës.
  • Janë tërhequr nga komunikacioni njëzet e nëntë (29) motoçikleta në kuadër të planit operativ ‘’Motoçiklisti i rrezikshëm’’.

Kujdesi dhe përgjegjësia gjatë ngasjes së motoçikletave janë të domosdoshme për të parandaluar aksidentet, andaj:

1.  Përdorimi i pajisjeve mbrojtëse;helmetë dhe pajisje të tjera mbrojtëse si xhaketa, dorezat, mbrojtëset e gjunjëve etj,

2.  Kontrolli i motoçikletës; para çdo udhëtimi, kontrolloni gjendjen e motoçikletës tuaj,

3.  Respektimi i rregullave të trafikut; mos ngisni me shpejtësi të lartë dhe respektoni kufizimet e shpejtësisë,

4.  Ngasja e sigurt dhe e përgjegjshme; mbani distancën e duhur nga mjetet e tjera dhe mos bëni manovra të rrezikshme etj, njofton Policia. /2LONLINE/