Rajoni i Gjilanit: Brenda një jave 26 të arrestuar, dolën gjatë kohës kur iu është ndaluar lëvizja

Rajoni i Gjilanit: Brenda një jave 26 të arrestuar, dolën gjatë kohës kur iu është ndaluar lëvizja

Autoritetet poicore të Rajonit të Gjilanit kanë bërë me dije se në komunat të këtij rajoni ka pasur qytetarë të ndaluar nga ana e policisë për shkak të: “Mosveprimit sipas dispozitave shëndetësore gjatë epidemisë“.

Sipas policisë të ndaluarit nuk kishin përfillë vendimin e qeverisë duke lëvizur përgjatë kohës sa është caktuar ndalimi i lëvizjes.

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se Policia e Kosovës , gjatë zbatimit të masave të ndërmarra nga Qeveria si pasojë e pandemisë Covid 19, për periudhën kohore nga data 22 prill 2020 deri me 29 prill 2020, ka hapur raste në të gjitha shtatë komunat e rajonit të Gjilanit. Në të gjithë rajonin e Gjilan njëzet e gjashtë (26) persona gjithsejtë janë takuar nga policia duke mos e përfillur vendimin e qeverisë.

“Të gjithë këta persona janë takuar duke lëvizur gjatë kohës sa është caktuar ndalimi i lëvizjes. Rastet e evidentuara nga Komuna e Gjilanit dy (2) raste, nga Komuna e Kamenicës, pesë (5) raste, nga Komuna e Vitisë (15) raste, nga Komuna e Kllokotit një (1) rast, nga Komuna e Parteshit, dy raste (2), Novobërdë një (1)”, ka thënë zëdhënësi Hashani

Sipas tij, personat e ndaluar janë intervistuar në bazë të procedurave ligjore, në një rast, dy nga ta, me vendim të prokurorit janë ndalë për dyzet e tetë (48) orë, gjersa rastet tjera, veç e veç, procedohen në procedurë të rregullt në prokurorin e shtetit.

KOMENTE