Rajoni i Gjilanit: Brenda javës shqiptohen 1 mijë e 659 gjoba

Aktivitete javore në trafikun rrugor

Drejtoria Rajonale e Policisë Gjilan, Njësia rajonale e Trafikut Rrugor dhe Stacionet Policore gjatë periudhës kohore 19.06.2026 – 25.06.2026 në vazhdën e implementimit të planeve operative për siguri në trafik kanë shqiptuar njëmijë e gjashtëqind e pesëdhjetë e nëntë (1659) gjoba.

Gjatë kësaj periudhe në kuadër të këtyre planeve janë ndërmarr aktivitete edhe në:

• Hetim i gjashtëmbëdhjetë (16) aksidenteve të trafikut me dëme materiale,    
  • Hetim i trembëdhjetë (13) aksidenteve të trafikut me të lënduar,
  • Shqiptuar dyzet e tetë  (48) gjoba për mos përdorim të rripit të sigurisë,
  • Shqiptuar tridhjetë (30) gjoba për përdorim të telefonit,
  • Shqiptuar tetë (08) gjoba për modifikim të automjetit (folije të errëta),
  • Shqiptuar masa e ndalim drejtimit të mjeteve motorike për njëzetë e katër  (24) ngasës.

Drejtoria Rajonale e Policisë në Gjilan apelon tek të gjithë personat që drejtojnë trotinete veçanërisht personat e rinjë që gjatë drejtimit të këtyre mjeteve të jenë të kujdesshëm dhe tu përmbahen rregullave të parapara me ligje.

Drejtimi i trotineteve pa i respektuar normat e parapara me ligj kushton me jetë, thuhet në njoftimi ne policisë.  /2LONLINE/