Rajoni i Gjilanit: Brenda javës policia shqipton 1 mijë e 554 gjoba

/Aktivitete javore në trafikun rrugor/

Drejtoria Rajonale e Policisë Gjilan, Njësia Rajonale e Trafikut Rrugor dhe Stacionet Policore gjatë periudhës kohore 13.06.2025 – 19.06.2025 në vazhdën e implementimit të planeve operative për siguri në trafik kanë shqiptuar njëmijë e pesëqind e pesëdhjetë e katër (1554) gjoba.

Gjatë kësaj periudhe në kuadër të këtyre planeve janë ndërmarr aktivitete edhe në:

• Hetim i njëzet e një (21) aksidenteve të trafikut me dëme materiale,
• Hetim i katërmbëdhjetë (14) aksidenteve të trafikut me të lënduar,
• Shqiptuar masa e ndalim drejtimit të mjeteve motorike për katërmbëdhjetë (14) ngasës
• Shqiptuar dhjetë (10) gjoba ndaj ngasësve të motoçikletave dhe janë përjashtuar nga komunikacioni shtatë (7) motoçikleta.

Drejtoria Rajonale e Policisë në Gjilan, në kuadër të angazhimeve për sigurinë në komunikacionin rrugor, u bën thirrje të gjithë qytetarëve, e në veçanti përdoruesve të trotinetëve elektrikë, që të respektojnë rregullat e trafikut dhe të kenë kujdes të shtuar gjatë drejtimit të tyre në hapësira publike.

• Përdorni helmetë mbrojtëse gjatë drejtimit të trotinetit;
• Respektoni shenjat dhe rregullat e komunikacionit;
• Mos drejtoni trotinet nëpër trotuare të ngushta ku mund të rrezikohen këmbësorët;
• Drejtoni trotinetin vetëm në shpejtësi të lejuar dhe nën kontroll të plotë;
• Ndalohet përdorimi i trotinetëve nga më shumë se një person në të njëjtën kohë;
• Mos përdorni telefonin gjatë drejtimit dhe shmangni çdo veprim që shpërqendron vëmendjen;
• Në kohë nate, përdorni ndriçim dhe reflektues për të qenë të dukshëm për pjesëmarrësit tjerë në trafik.

Drejtuesit e trotinetëve janë pjesëmarrës të barabartë në trafik dhe obligohen të zbatojnë dispozitat ligjore në fuqi konform Ligjit për Rregullat e Trafikut Rrugor, njofton Policia. /2LONLINE/