Rahimaj tregon projektet e përfunduara në disa fshatra të Kamenicës

Kryetari i Komunës së Kamenicës, Kadri Rahimaj, ka bërë të ditur për vazhdimin e punimeve në përmirësimin e infrastrukturës rrugore nëpër lokalitete të ndryshme të komunës.

Ai ka thënë se zotimet e dhëna në fushatë po shndërrohen në vepra konkrete.

“Fushatë po, ama edhe punë e rezultate po. Nga Koretini ku janë asfaltuar edhe dy rrugë tjera, 11 rrugë në Muçiverc, rruga “Tema” në Busavatë e 12 rrugë në Roganë. Në proces edhe trotuari në Kopërnicë e ndriçimi publik. Nuk kanë qenë vetëm fjalë fushate, po bëhen vepra, për të mirën e qytetarëve tanë”, ka theksuar i pari i Kamenicës, Kadri Rahimaj.  /2LONLINE/