Rahimaj: Përfundon asfaltimi i 12 rrugëve në Topanicë

Kryetari i Komunës së Kamenicës, Kadri Rahimaj, ka njoftuar se në fshatin Topanicë, gjatë ditës së sotme, ka përfunduar asfaltimi i 12 rrugëve me qëllim të përmirësimit të infrastrukturës rrugore dhe kushteve të jetesës për qytetarët.

Rrugët e asfaltuara janë: * Rruga “Filizat” (degëzim I), * Rruga “Filizat” (degëzim II), * Rruga “Filizat” (degëzim III), *Rruga “Mulla Jakupi” (te Xhelet), * Rruga “Sefa”, * Rruga “Islam Morina” (degëzim I), * Rruga “Fadil Zubaku” (degëzim I), * Rruga “Emin Morina”, * Rruga “Islam Morina” (degëzim II dhe IV), * Rruga “Islam Morina” (degëzim III), * Rruga “Kurtesh Morina”, * Rruga “Asllan Topanica” (degëzim I).

Po ashtu, është realizuar edhe ndërtimi i trotuarit nga shkolla deri te fillimi i rrugës së Xhades së Vjetër, duke krijuar kushte më të sigurta dhe më të përshtatshme për lëvizjen e këmbësorëve.

Sipas Kryetarit Rahimaj, i cili ka përcjellur nga afër punimet, Komuna e Kamenicës mbetet e përkushtuar në realizimin e projekteve infrastrukturore në të gjitha lokalitetet, me qëllim të përmirësimit të vazhdueshëm të shërbimeve dhe cilësisë së jetës së qytetarëve.  /2LONLINE/