Rahimaj: Edhe në Dajkoc asfaltohen disa rrugë
Kryetari i Komunës së Kamenicës, Kadri Rahimaj ka bërë të ditur për asfaltimin e disa rrugëve në fshatin Dajkoc.
Ai ka thënë se në serinë e njoftimeve për përmirësimin e infrastrukturës në secilin fshat, rrugët që janë asfaltuar në fshatin Dajkoc janë: 1. Asfaltimi i rrugës “Shaban Sylë Krasniqi”, 2. Asfaltimi i rrugës “Nebiu”, 3. Asfaltimi i rrugës “Ali e Zylfi Fazliu”, 4. Asfaltimi i rrugës “Xhafer e Nevzad Krasniqi”, 5. Asfaltimi i rrugës “Rexhep Shem Dajkoci”, 6. Asfaltimi i rrugës “Musli Dajkoci”.
Ndër të tjera, i pari i Komunës së Kamenicës thotë se në Dajkoc nuk përfundon me kaq.
“Jemi në vlerësimin e ofertave edhe për rrugën Kolloleq-Dajkoc-Muçiverc, në vlerë prej 1.5 milionë eurosh. Për secilin fshat, cep më cep Kamenicës, kushte dhe infrastrukturë e përshtatshme, sipas kërkesës së qytetarit”, ka thënë kryetari i Komunës së Kamenicës, Kadri Rahimaj. /2LONLINE/