Qytetarët serb të Bujanocit festojnë

Fitorja e Serbisë ndaj Shqipërisë me rezultat 2:0 ka nxjerrë qytetarët serb të Bujanocit për të festuar nëpër rrugë.

Festa filloi pas përfundimit të ndeshjes, ku me rënie të borive, flamuj të Serbisë dhe brohoritje “Serbia, Serbia”, këta qytetarë shprehën gëzimin e tyre për rezultatin e arritur në “Elbasan Arena”, raporton Titulli.com.

Si qytetarët serb njashtu edhe ata shqiptarë kishin organizuar përcjelljen e ndeshjes Shqipëri – Serbi në ekrane të mëdha, në ambiente të mbyllura.

Ndonëse edhe shqiptarët e Bujanocit ishin përgatitur për një festim të ngjashëm, ky skenar nuk u realizuar dhe mbeti vetëm me një dëshirë për një fitore të kombëtares në ndeshjen e fundit ndaj Armenisë dhe realizimin e ëndrrës për të prerë biletën drejt Parisit.