QSU realizon vlerësimin praktik “ Guximi i Palëkundur”

Qendra për Studime Universitare (QSU) ka zhvilluar me sukses vlerësimin praktik 1 javor “Guximi i Palëkundur” të fokusuar në vlerësimin praktik të kadetëve në nivele të ndryshme të përgatitjes ushtarake.

Kadetët e vitit të tretë janë vlerësuar në operacione luftarake në nivel togu, duke demonstruar aftësi në planifikim, koordinim dhe zbatim të detyrave taktike. Ndërkohë, kadetët e vitit të katërt kanë realizuar ushtrime në kuadër të operacioneve të stabilitetit dhe paqeruajtës, duke reflektuar profesionalizëm dhe qasje të pjekur në mjedise komplekse operacionale.

Për kadetët e vitit të parë dhe të dytë, fokusi ka qenë në zhvillimin progresiv; nga lëvizjet individuale bazë deri te operacionet në nivel skuadre duke ndërtuar themele të forta për avancim të mëtejmë.

Kadetët kanë dëshmuar edhe një herë përkushtimin, disiplinën dhe qëndrueshmërinë që i karakterizon. Performanca e tyre është dëshmi e përgatitjes së lartë dhe e vlerave që përfaqësojnë. /2LONLINE/