Qosja: Forcim i partive e dobësim i shtetit

Ai ka thënë se secila prej këtyre partive kur ka ardhur në pushtet është kujdesur jo ta forcojë shtetin, por ta forcojë vetveten, partinë.

Akademik Rexhep Qosja, në një intervistë dhënë “Epokës së re”, ka shprehur nevojën e themelimit të një partie të re. Ai ka thënë se secila prej këtyre partive kur ka ardhur në pushtet është kujdesur jo ta forcojë shtetin, por ta forcojë vetveten, partinë. Sipas tij, forcimi i partisë e jo i shtetit ka sjellë të keqen e quajtur nepotizëm, të keqen e quajtur korrupsion, të keqen e quajtur krim i organizuar. “E quaj të rëndësishëm krijimin e një partie të re, me program që do të ndryshonte thelbësisht prej programeve të partive të tjera, madje me një pjesë të madhe të tij, edhe prej programit të Vetëvendosje!-s”, ka thënë Qosja.