QKUK: Shënohet Dita Botërore e Ndërgjegjësimit për Brakiterapinë
“Sot shënohet Dita Botërore e Ndërgjegjësimit për Brakiterapinë, një nga format më të avancuara dhe më precize të radioterapisë në trajtimin e kancerit”, thuhet në njoftimin e Qendrës Klinike Universitare e Kosovës.
Shërbimi i Brakiterapisë në Klinikën e Onkologjisë ka filluar të ofrohet 5 vite më parë në QKUK, dhe nga atëherë ka shënuar zhvillim të vazhdueshëm duke ofruar edhe Brakiterapinë intersticiale.
Para funksionalizimit të këtij shërbimi, të gjithë pacientët referoheshin për trajtim jashtë vendit, çka shkaktonte kosto të konsiderueshme financiare për sistemin shëndetësor.
Sot, ky shërbim ofrohet çdo ditë pune në Klinikën e Onkologjisë, duke siguruar trajtim të shpejtë dhe cilësor për pacientët.
Në këtë Ditë Botërore të Ndërgjegjësimit për Brakiterapinë, shprehim mirënjohje për stafin e Klinikës së Onkologjisë për profesionalizmin, përkushtimin dhe kujdesin e vazhdueshëm ndaj pacientëve, thuhet në njoftimin e Qendrës Klinike Universitare e Kosovës. /2LONLINE/