QKUK: Mirënjohje për të gjithë infermierët që shërbejnë me përkushtim, profesionalizëm dhe humanizëm

“Në këtë Ditë Ndërkombëtare të Infermierëve, shprehim mirënjohjen dhe respektin më të sinqertë për të gjithë infermierët dhe infermieret që çdo ditë shërbejnë me përkushtim, profesionalizëm dhe humanizëm në kujdesin ndaj pacientëve”, thuhet në njofitmin e Qendrës Klinike Universitare të Kosovës (QKUK)

Në njoftim thuhet se: Infermierët janë shtylla e sistemit shëndetësor. Ata janë pranë pacientit në çdo moment, duke ofruar kujdes, mbështetje, siguri dhe shpresë. Me punën e tyre të palodhshme, sakrificën dhe përgjegjësinë e lartë profesionale, ata luajnë një rol të pazëvendësueshëm në ruajtjen dhe përmirësimin e shëndetit të qytetarëve.

Kjo ditë është një mundësi për të vlerësuar kontributin e jashtëzakonshëm që infermierët japin çdo ditë, duke vendosur mbi të gjitha mirëqenien e pacientit dhe shërbimin ndaj tyre.

Faleminderit për përkushtimin, durimin, empatinë dhe forcën që tregoni çdo ditë. Ju jeni shembull i humanizmit dhe i misionit fisnik të profesionit shëndetësor.

Urime 12 Maji – Dita Ndërkombëtare e Infermierëve!