QKUK: Brenda javës 152 lindje në Klinikën e Gjinekologjisë dhe Obstetrikës

Qendra Klinike Universitare e Kosovës (QKUK), duke iu referuar raporti javor, ka bërë me dije për 152 lindje në Klinikën e Gjinekologjisë dhe Obstetrikës

Gjatë javës që lamë pas, në Klinikën e Gjinekologjisë dhe Obstetrikës janë realizuar gjithsej 152 lindje.

Statistikat e lindjeve sipas metodës: 90 lindje spontane (natyrale). 62 lindje me operacion cezarian (S/C).

Janë regjistruar edhe 5 lindje me binjakë.

Sa i përket foshnjave, kanë lindur gjithsej 157 fëmijë, prej të cilëve 85 djem dhe 72 vajza.

“Klinika e Gjinekologjisë dhe Obstetrikës vazhdon të ofrojë kujdes dhe shërbime profesionale për nënat dhe të porsalindurit, duke garantuar shëndetin dhe mirëqenien e tyre gjatë gjithë procesit”, thuhet në njoftimin e QKUK-së.  /2LONLINE/