QKMF në Viti pajiset me aparate mjekësore

/2L ONLINE/ – Në kuadër të furnizimit me pajisjes shëndetësore, Qendra Kryesore e Mjekësisë Familjare në Viti është pajisur me 4 aparate të EKG-së, 40 aparate për matjen e tensionit, si dhe 3 reflektor që përdoren për kirurgji të vogël.

Drejtori i QKMF-së dr.Xhemajl Arapi, është shprehur se me pajisjen e këtyre aparateve, ky institucion do të ketë një lehtësim sa i përket punës në evidentimin e hershëm të sëmundjeve të zemrës.

Ai ka theksuar se këto pajisje kanë qenë domosdoshmëri për QKMF-në në Viti dhe tani do të ketë mundësin e shërbimeve më të mira për pacientët.

Ndërsa lidhur me furnizimin e aparateve mjekësore që janë bërë nga buxheti komunal i Vitisë. Drejtori i hëndetësisë dhe Çështjeve Sociale Basri Aliu, ka thënë se kjo drejtori në vazhdimësi po angazhohet që të rrisë cilësinë e shërbimeve mjekësore në komunën e Vitisë.

Ai mes tjerash ka theksuar se edhe në të ardhmen komuna do të jetë përkushtuar për ofrimin e kushteve sa më të mira për stafin mjekësor të QKMF-së, por edhe ngritjen e kualitetit të shërbimeve për pacientët. /2L ONLINE/