QKMF në Gjilan: Vaksinimi kundër gripit sezonal fillon të hënën

Qendra Kryesore e Mjekësisë Familjare (QKMF) “Dr. Nagip Rexhepi”, në Gjilan  është furnizuar me vaksina kundër gripit sezonal, me këtë rast njoftohen qytetarët se vaksinimi fillon të hënën, më 26.10.2026.

Sipas QKMF-së, vaksinimi rekomandohet veçanërisht për grupet më të rrezikuara:

• Punëtorët shëndetësorë;

• Personat mbi 65 vjeç;

• Personat me sëmundje kronike, pavarësisht moshës;

• Gratë shtatzëna;

• Fëmijët.

Vaksinimi do të kryhet në të gjitha qendrat e mjekësisë familjare në qytet dhe në fshatra, gjatë ditëve të punës.

Orari i vaksinimit: 07:00–14:00.

“Luten të gjithë qytetarët që, në përputhje me zonimin, të paraqiten për vaksinim në qendrën e mjekësisë familjare së cilës i përkasin dhe ku zakonisht i kryejnë kontrollet mjekësore. Qytetarët duhet të kenë me vete një dokument identifikimi (letërnjoftim)”, thuhet në njoftimin e QKMF-së së Gjilanit. /2LONLINE/