QKMF në Gjilan furnizohet me 25 kompjuterë dhe 5 printerë
/2L ONLINE/ – Në vazhdën e krijimit të kushteve sa më të mira për pune dhe ngritjen e cilësise së shërbimeve shëndëtësore, Qendra Kryesore e Mjekësisë Familjare (QKMF) në Gjilan, është furnizuar me 25 kompjuterë dhe 5 printerë për të gjitha shërbimet.
Drejtori i QKMF-së, Fejzulla Berisha, ka bërë me dije se me këto pajisje të nevojshme për punë është furnizuar administrata, shërbimi i Mjekësisë Familjare, Shërbimi i Stomatologjisë, Shërbimi i Barnatores, Shërbimi i Laboratorit, Shërbimi i SISH-it (sistemi informimit shendetesor).
Berisha ka pohuar se përpos kësaj, me kompjuterë janë furnizuar edhe të gjitha Qendrat e Mjekësisë Familjare në qytet si dhe disa fshatra.
Të gjitha këto investime, sipas drejtorit të QKMF-së Fejzulla Berisha, po bëhet për ta ngritur performancën në punë të personelit shëndetësor, gjithnjë për shërbime sa më kualitative për qytetarët e Gjilanit./2L ONLINE/