QKMF, e përkushtuar në promovimin e shëndetit të komunitetit përmes aktiviteteve edukative dhe shërbimeve këshilluese

Qendra Kryesore e Mjekësisë Familjare (QKMF) “Dr. Nagip Rexhepi” në Gjilan është e përkushtuar në promovimin e shëndetit të komunitetit përmes aktiviteteve edukative dhe shërbimeve këshilluese.

“Punonjësit shëndetësorë angazhohen për të mbështetur qytetarët në ruajtjen dhe përmirësimin e shëndetit të tyre”, thuhet në njofitmin e kësaj QKMF-je.

“Grupi i edukimit dhe promovimit shëndetësor, me mbështetjen e menaxhmentit të QKMF-së, organizon rregullisht aktivitete informuese në të gjitha qendrat e mjekësisë familjare, ku qytetarët mund të marrin këshilla dhe materiale edukative për një jetë të shëndetshme, thuhet në njofitmin e QKMF-së..

“Më 7 prill, në përputhje me Ditën Botërore të Shëndetit, QKMF “Dr. Nagip Rexhepi” ka organizuar aktivitete të veçanta në të gjitha qendrat e mjekësisë familjare për të rritur ndërgjegjësimin mbi çështjet shëndetësore globale dhe për të promovuar masa që përmirësojnë mirëqenien e komunitetit”, thuhet tutje në njoftim për të  përfunduar me: “Ne jemi këtu për ju, për një shëndet më të mirë”.   /2LONLINE/