“Qielli i Shqiponjave 2025”, Ushtrimi Praktik i QSU-së

Kadetët e Qendrës për Studime Universitare kaluan me sukses vlerësimin praktik “Qielli i Shqiponjave 2025” ,ku u vlerësuan në operacione të ndryshme taktike, njofton FSK.

Kadetët e vitit të katërt, me gjithë përvojën e fituar gjatë katër viteve në Qendrën për Studime Universitare, treguan se janë të gatshëm për të shërbyer si oficerë të rinj në Forcën e Sigurisë së Kosovës.

Ndërsa kadetët e vitit të tretë, me angazhimin që treguan gjatë këtij ushtrimi, vazhdojnë me u kalit si liderë të ardhshëm, duke marrë përvojë të vlefshme që i përgatit për detyrat që i presin në vitin përmbyllës.

Realizimin e ushtrimit nga afër e kanë parë, Drejtori i NALT-it Gjeneral brigade Sven Lange dhe Komandanti e KDS-së Gjeneral brigade Jeton Dreshaj. Këto vizita treguan përkrahjen e vazhdueshme për zhvillimin profesional të kadetëve dhe vlerësuan nivelin e lartë të ushtrimit.

Ky vlerësim praktik ishte edhe njëherë dëshmi e punës së palodhshme, disiplinës dhe përkushtimit që kultivohet çdo ditë në Qendrën për Studime Universitare.

Po rrisim oficerë që janë gati me i dalë zot Atdheut! /2LONLINE/