Qeveritë e Kosovës e Shqipërisë takohen në mes marsit

Zv/ministri i Kosovës njëkohësisht ministër i Jashtëm i Kosovës Hashim Thaçi, pas takimit me homologun nga Shqipëria, Bushati, deklaroi se mbledhja e përbashkët Shqipëri- Kosovë do të zhvillohet në mes të marsit.

Thaçi gjatë një konference për media me homologun shqiptar Ditmir Bushati ka theksuar se fakti qe vizita i tij e parë bilaterale po zhvillohet në Tiranë është treguesi më i mirë se Shqipërinë e ka prioritet.

Ai është shprehur shumë mirënjohës për mbështetjen e madhe që shteti shqiptar ka dhënë ka Republikës së Kosovës në forcimin e subjektivitet ndërkombëtar.

“Jam shume mirënjohës për bashkëpunimin e ngushtë dhe ndihmën e dhëne nga shteti i Shqipërisë për njohjet dhe nismat rajonale”, ka thënë Thaçi.

Ai ka paralajmëruar se dy qeveritë shumë shpejt do të ritakohen për të shtyrë përpara agjendën e bashkëpunimit strategjik në të gjitha fushat.

“Sot diskutuam për hapat tona të mëtejshëm për bashkëpunimin bilateral. Mbledhjen e parë të dy qeverive tona e kemi mbajtur në Prizren dhe do vendosim edhe me Kryeministrin Rama që në pjesën e dytë të marsit të zhvillojmë takimin e dytë e të vërejmë objektivat që kemi arritur e ato qe do të vendosim. Mbledhja e radhës do të mbahet në muajin mars. Po ashtu, do të diskutojmë edhe për anëtarësimin e Kosovës në organizatat rajonale dhe rritjen e njohjeve të shtetit. Nga ana tjetër, për ne mbetet prioritet zhvillimi i dialogut me Serbinë, ka shtuar ai.

Dy homologët kanë folur edhe për qëndrimin e Shqipërisë dhe Kosovës ndaj sulmeve terroriste që janë shënuar së fundmi, sidomos në Francë, duke deklaruar se terrorizmi nuk ka lidhje me fenë dhe se të dyja vendet tona i dënojnë ashpër fenomene të tilla.

http://www.rtklive.com/?id=2&r=16740