“Qeverisja aktuale dështoi të na mbrojë nga rreziku i përditshëm që paraqesin qentë endacakë”

Mrika Krasniqi Shala, e cila është kandidate për Asamblenë Komunale në listën e PDK-së, në zgjedhjet e 12 tetorit, ka reaguar ashpër ndaj qeverisjes komunale lidhur me, siç thotë ajo, gjendjen alarmante të qenve endacakë në qytet.

“Qeverisja aktuale ka dështuar të mbrojë fëmijët dhe qytetarët nga rreziku i përditshëm që paraqesin qentë endacakë. Sot, në vend që fëmijët tanë të shkojnë të qetë në shkollë, ata përballen me frikë nëpër rrugët e qytetit dhe lagjeve”, ka thënë ajo.

Mrika Krasniqi Shala tha se është e pafalshme që Komuna e Gjilanit ka mbyllur sytë para një problemi kaq serioz.

“Kërkoj urgjentisht largimin dhe menaxhimin e qenve endacak nga qendra dhe lagjet e qytetit, duke garantuar sigurinë publike me zgjidhje konkrete dhe humane. Si kandidate për Kuvendin Komunal, zotimi im është i qartë, nuk do të lejoj që fëmijët dhe qytetarët e Gjilanit të jetojnë nën frikë dhe pasiguri për shkak të neglizhencës së pushtetit aktual”, thotë Mrika Krasniqi Shala, e cila është kandidate për Asamblenë Komunale në listën e PDK-së. /2LONLINE/