Qeveria përshëndet dekretimin e Kryeprokurorit të Shtetit

Qeveria vlerëson se dekretimi është një hap përpara në konsolidimin dhe forcimin e sistemit të drejtësisë. “Sundimi i ligjit është parakusht për zhvillimin politik, ekonomik dhe social. Sfidat me të cilat ballafaqohet Kosova, sikurse luftimi i korrupsionit, krimit të organizuar, dhe shkeljeve tjera ligjore, shtrojnë domosdoshmërinë për fuqizimin e sistemit të drejtësisë, veçmas nevojën që të investohet në aspektin e rritjes së efikasitetit.

Prokuroria si hallkë themeltare dhe e patjetërsueshme e sistemit të drejtësisë, duhet pasur mbështetjen dhe përkrahjen e të gjitha institucioneve, me theks të veçantë përkrahjen e saj në realizimin efikas të mandatit.

Qeveria vlerëson se dekretimi është një hap përpara në konsolidimin dhe forcimin e sistemit të drejtësisë, dhe njëkohësisht shërben për mbarëvajtjen dhe funksionalizimin e këtij institucioni, si dhe ngritjes së përgjegjësisë së vet sistemit të drejtësisë”, theksohet në një njoftim të Qeverisë.