Qeveria miraton dhënien e 100 hektarëve tokë për zgjerimin e infrastrukturës së FSK-së

Me qëllim të zgjerimit të infrastrukturës së Forcës së Sigurisë së Kosovës për qëllime strategjike ushtarake, Qeveria e Republikës së Kosovës vendosi të japë në shfrytëzim 100 hektarë tokë në rajonin e Batllavës.

Muaj më parë, FSK-ja ka shpronësuar dhe marrë në shfrytëzim prona edhe në Babaj të Bokës, Suharekë, kodrën e Cernushës në Mitrovicë, Kazermën e Llukarit dhe Aeroportin e Dumoshit, ndërsa janë përfunduar shpronësimet në Aeroportin e Gjakovës.

Pronat e Agjencisë së Pyjeve të Kosovës, konkretisht prona shoqërore “Batllava”, me një sipërfaqe prej 100 hektarësh, do të përdoren për ngritjen e kapaciteteve operacionale të FSK-së.