Qeveria kushtëzon faljen e borxheve

Qeveria përveç se do të hartojë ligjin për falje të borxheve ajo ka vendosur disa kushte për personat dhe bizneset që do të ju falen borxhet. Falja e borxheve deri në fund të vitit 2008 do të jetë e kushtëzuar me shlyerjen e obligimeve nga viti 2009 deri në vitin 2014. Kjo është bërë e ditur në konferencë të mbajtur pas mbledhjes së qeverisë nga Ministri i Financave Avdullah Hoti.

“Jemi marrë vesh që gjitha ata që pranojnë që të kryejnë obligimet nga data 1 janar 2009 deri më 31 dhjetor 2014 të ju shlyhen të gjitha borxhet . Pra falja e borxheve deri në fund të vitit 2008 të jetë e kushtëzuar me shlyerjen e obligimeve nga viti 2009 deri në vitin 2014”, ka thënë Hoti.