Qeveria kundër shpalljes së gjendjes së jashtëzakonshme në vend

Zëvendëskryeministri, Haki Abazi, gjatë një konference për media ka thënë se kryeministri Albin Kurti nuk është në pajtueshmëri me masën extreme, që të shpallet gjendje e jashtëzakonshme.

Ai ka thënë se Qeveria është duke menaxhuar si duhet situatën pas përhapjes së koronavirusit në vend, ku sipas tij, ka marrë masa parandaluese.

Përndryshe, pak më parë, Presidenti i vendit Hashim Thaçi, i ka propozuar Kuvendit që të shpallë gjendjen e jashtëzakonshme në vend pas situatës së krijuar me koronavirusin.