Qeveria japoneze dhuron autoambulancë dhe Minibus QKMF-së në Viti

/2L ONLINE/ – Qendra Kryesore e Mjekësisë Familjare në Viti, ka nënshkruar një donacion nga qeveria japoneze për një autoambulancë dhe një Minibus për pacientët me Hemodializë . Ceremonia e nënshkrimit të këtij donacioni është bërë në Ambasadën japoneze në Prishtinë, ku pos Vitisë kanë qenë përfitues edhe komuna e Junikut , Rahovecit , si dhe Qendra Klinike Universitare e Nefrologjisë dhe Hemodializës në Kosovë.
Akti i nënshkrimit u bë nga në prani të Sekretarit të Dytë të Ambasadës së Japonisë në Austri, Mitsunori Ogasaeara me dr.Xhemajl Arapin drejtor i QKMF ne Viti. Arapi ka falënderuar Qeverinë Japoneze për ndihmën e dhënë, si dhe ndihmën që po i jep qeveria japoneze Kosovës në përgjithësi. Lidhur me donacionin në fjalë, drejtori Arapi ka theksuar se Autoambulanca dhe Minibusi për pacientët e Hemodializës, do të përmirësoje dukshëm shërbimet shëndetësore në Komunën tonë. /2L ONLINE/