“Qeveria frikësohet nga fletushkat, arreston aktivistët e Vetëvendosjes”

Sot rreth orës 14:00, derisa aktivistët e Lëvizjes Vetëvendosje po shpërndanin fletushka pranë ndërtesës së Qeverisë së Kosovës (ish-Rilindja), Policia e Kosovës intervenoi brutalisht duke arrestuar dhe përdorur dhunë me shkopinj gome e sprej lotsjellës ndaj aktivistëve paqësorë, thuhet np një reagim të kësaj Lëvizjeje.

Më tej thuhet se Qeveria e Isa Mustafës ka filluar të frikësohet edhe nga fletushkat. Njësoj siç frikësohet çdo pushtet shtypës nga e vërteta që e demaskon. Agron Kabashi, Shkëlqim Morina, Alban Makolli, Veron Hasani, janë vetëm disa prej aktivistëve të arrestuar, ndërkohë që shumica e aktivistëve janë rrahur nga policia.

“Çmimi që Kosova po e paguan për “Zajednicën” është i papranueshëm për qytetarët e Kosovës. Në njërën anë Kosova po ndahet etnikisht, e në anën tjetër qytetarëve po u kthehen masa të dhunshme. “Zajednica” nuk do të kalojë!”, thuhet n ë fund të reagimit të Lëvizjes vetëvendosje.