Qeveria do të shpronësojë pronat ku do të ndërtohet pikëkalimi kufitar në Kapi

/2L ONLINE/ – Nënkryetari I Komunës së Kamenicës Fatmir Matoshi iu është gëzuar informacionit se Qeveria e Kosovës ka marrë vendim për shpronësimin e tokës ku do të ndërtohet pikë-kalimi i ri kufitar Kapi në mes të Republikës së Kosovës dhe Serbisë.

Matoshi në profili ne tij në FB shkruan:

“E falënderoj Ministren Edita Tahiri, për përkushtimin që hapja e Pikëkalimit Kufitar në KAPI të SFIRCËS, të shkoj drejt realizmit final. Sot u njoftuam zyrtarisht se Qeveria ka marrë vendim për shpronësimin e pronës ku do të ndërtohet pikëkalimi kufitar. Kjo besoj se është e mjaftueshme që ta ndalin hovin të gjithë ata që tentuan ta devijojnë këtë pikëkalim kufitar në vende të tjera”. /2L ONLINE/