Qeriqi: Nga gjendja e rëndë 48 veteranë bënë vetëvrasje

Kryetari i Këshillit për Mbrojtjen e Veteranëve të UÇK-së, Xhevdet Qeriqi deklaroi se si veteranë të ish-UÇK-së, është i papranueshëm vendimi i Qeverisë që një veteran të marr 170 euro në muaj.

Ai në emisionin “Info – Box” të TV Dukagjini, ka theksuar se premtimet kanë qenë që kjo pagë të jetë rreth 220 euro, por sipas tij, në ndërkohë është ndryshuar ky premtim.

Qeriqi ka folur edhe për gjendjen e rëndë në të cilën gjenden veteranët e luftës, duke shtuar se kanë qenë kategoria më e margjinalizuar e shoqërisë kosovare, transmeton Telegrafi.

“Po kalojnë 16 vite dhe veterani i luftës për fat të keq nuk e gëzon asnjë të drejtë, edhe pse kanë dhënë shumë për këtë vend. Nga gjendja e rëndë ekonomike, që nga paslufta, rreth 48 bashkëluftëtarë kanë bërë vetëvrasje, shkaku i gjendjes së rëndë ekonomike. Askush nuk është marrë me ta dhe me familjet e tyre”, ka shtuar Qeriqi.