Qentë endacak, lypsarët në rrugë e siguria afër shkollave shqetësime të kamenicasve

(2L ONLINE) – Prania e qenve endacakë, e lypsarëve në rrugë dhe mungesa e policëve të shtrirë afër shkollave, që do të ndikonin në sigurinë e shkollarëve kanë qenë ndër shqetësimet që janë ngritur në takimin e parë të Këshillit Komunal Për Siguri në Bashkësi, në komunën e Kamenicës.

Në këtë takim ku mori pjesë edhe kreu i komunës Begzad Sinani dhe anëtarë të tjerë, përfaqësues të institucioneve që janë pjesë e këtij Këshilli, ndërkohë që Fisnik Kastrati zyrtarë komunal tha se në kuadër të zbatimit të planit të punës së KKSB’së, për muajin Gusht 2014, në fushën e dytë të këtij plani kemi pasur aktivitete të ndryshme si ato të takimeve me qytetarë në lokalitete të ndryshme të komunës sonë, në këto takime do të rritet vetëdijesimi i qytetareve për natyrën e krimeve, brengat e qytetarëve etj.

Gani Huruglica, zv Komandant i Stacionit Policor në Kamenicë tha se një pjesë e brengave i takon edhe Policisë së Kosovës, kemi pas pesë takime me qytetarë në lokalitete të ndryshme të Komunës, në këto takime ka pas implementim të planit të punës së KKSB-së, në këto takime si shqetësime qytetarët kanë paraqitur e që duhet intervenuar në këto shqetësime siç janë vendosja e policit të shtrirë afër shkollave, qentë endacak e lypsarët në rrugë.

“Problem tjetër është prerja ilegale e pyjeve në vendet rurale, kemi plane operative dhe kemi shprehë gatishmërinë ti dalim në ndihmë qytetarëve,tek eksplantimi i rërës në sektorin tre Desivojcë dhe Lajqiq, qytetarët janë revoltë dhe kërkojnë nga ministria ta rregullojnë këtë çështje, pasi është gropuar toka dhe nuk është kthye në gjendjen e mëparshme, ku kemi pas edhe humbje jete të njerëzve dhe nuk dëshirojmë që një gjë ë tillë të ndodh më”, ka thënë ai.

Shqetësim tjetër kishin edhe përfaqësues të tjerë të KKSB’së ku sekretari i Bashkësisë Islamë në Kamenicë Milaim Behluli si shqetësim ngriti edhe çështjen e lypsarëve, që ata vinë në çdo Xhami dhe kërkojnë para, po ashtu gjatë faljes së Xhumasë janë dikur 7 apo 8 veta që edhe pengojnë hyrjen e xhematit në xhami.

Kryetari i Komunës Begzad Sinani vlerësoi kontributin e secilit në këtë takim për të ngritur shqetësimet e tyre mbi çështje të caktuara ndërkohë që përmendi se problem që ende nuk ka zgjidhje është prerja ilegale e druve. Sa i përket çështjes së kufirit, kohëve të fundi që ka patur edhe incidente në disa pika kufitare por Sinani ka kërkuar angazhim të të gjithëve që një gjë e tillë të mos ndodh edhe në këtë pjesë. /2L ONLINE/