Punimet në rivitalizimin e shkollës në Sadovinë e Jerlive në përfundim e sipër

Në shkollën fillore të mesme të ulët “ 28 nëntori” paralelja e ndarë në Sadovinë të Jerlive punimet në ritivalizimin e shkollës janë në përfundim e sipër.

Këto punime po zhvillohen në kuadër të projektit nga Fondi i Kosovës për Efiçencën e Energjisë (FKEE ). Bëhet me dije ky projekt përfshin punime në kulmin e shkollës, izolimin dhe suvatimin e saj, ndërrimin e dyerve dhe dritareve, si dhe përmirësimin e ndriçimit dhe ngrohjes.

Përndryshe në kuadër të FKEE-së po zhvillohen punime të ndryshme në shkolla dhe objektet publike komunale, njofton zyra për informim e Komunës së Vitisë. /2LONLINE/