Punëtori për pjesëmarrjen e qytetarëve në aktivitete dhe mekanizmat për konsultim

/2L ONLINE/ – Organizuar nga Organizata për Siguri dhe bashkëpunim OSBE, n[ Viti është mbajtur sot një punëtori rreth pjesëmarrjes së qytetarëve në aktivitetet komunale dhe mekanizmat për konsultim me qytetarët.

Në këtë punëtori prezantuan edhe kryesuesi i Kuvendit Naim Pira, zv. kryetari i komunës Hasan Aliu, drejtori i Financave dhe zhvillimit ekonomik Ibrahim Rama, këshilltarë të Kuvendit, përfaqësues të komiteteve konsultative etj.

Zyrtarja e lartë e OSBE-së Francesca Damiani ka thënë se qëllimi i organizimit të këtij takimi është gjetja e metodave për funksionalizimin e komiteteve konsultative dhe mënyrën e e shtimit të numrit të pjesëmarrësve nëpër diskutime publike.

Sipas saj, zhvillimi i dëgjimeve publike dhe periudha e kohës së mbajtjes së tyre, ka qenë e favorshme për pjesëmarrjen e qytetarëve por është për të ardhur keq që nuk ka pasur interesim dhe kjo është shqetësuese, kur dihet se komuna ka bërë organizimin e mirë dhe është e angazhuar maksimalisht për këto takime.

Kryesuesi i Kuvendit Naim Pira u fokusua në angazhimin e Kuvendit për funksionalizimin e komitetit konsultativ dhe parashihen të mbahen 4 takime Brenda vitit. Si problem që është paraqitur nga anëtarët e këtij komiteti është kompensimi, por ATRC ka kompensuar këta anëtar për ato aktivitete.
Zv. kryetari i komunës Hasan Aliu përmendi organizimin e dëgjimeve publike , ku bëri të ditur se janë mbajtur 20 takime në 16 lokalitete dhe katër takime të tjera me grupin e grave, personat me aftësi të kufizuara, komunitetet pakicë dhe me bizneset.

Në këtë punëtori ku ishin të pranishëm edhe përfaqësues të organizatave joqeveritare, u dhanë modalitete për ri funksionalizimin e komiteteve konsultative, si dhe për rritjen e numrit të qytetarëve në takimet publike, që nga zv. kryetari Aliu u theksua nevoja për formimin e komitetit konsultativ i biznesit, që ndoshta do të ndikonte në funksionimin e komiteteve të tjera. /2L ONLINE/