“Psikoterapeutët në Veprim” organizojnë debat për pronën dhe trashëgiminë

/2L ONLINE/ – Prona dhe të drejtat e trashëgimisë janë një problem serioz në të gjitha shoqëritë e veçmas në Kosovë, prona vazhdon të jetë një burim i shpeshtë i mosmarrëveshjeve dhe konflikteve.

OJQ “Psikoterapeutët në Veprim” e ka përzgjedhur këtë temë për tëzhvilluar një debat me shoqërinë civile, përfaqësues të pushtetit, organe të sigurisë dhe qytetarë.

Projekti”Vetëdijesimi mbi zotërimin e pronës dhe të drejtat e trashëgimisë”financohet dhe përkrahet nga Ambasada e Mbretërisë së Holandës në Prishtinë.

Ligjërata në këtë temë është mbajtur të enjten nga ora 13:30 deri më orë 16:00 në lokalet e restorantit “Bujana”, ku kanë marrë pjesë përfaqësues të Institucioneve komunale, përfaqësues të institucioneve të pavarura, përfaqësues të mekanizmave të sigurisë (policia dhe KFOR-i),OJQ-të tjera, shoqëria civile, mediat dhe qytetarë.

Interesimi pjesëmarrësve në takim ka qenë në nivel të lartë.

OJQ “Psikoterapeutët në Veprim” do të vazhdojë në implementimin e këtij projekti edhe në komuna tjera, ka thënë Sevdie Musliu, drejtoreshë ekzekutive e shoqatës.