Pse presidentja e Kosovës Atifete Jahjaga nuk e viziton Medvegjën , Bujanocin dhe Preshevën?

Shkruan: Refik HASANI

/2L ONLINE/ – Me rastin e paralajmërimit që më datën 25 Janar Presidentja e Republikës së Kosovës Atifete Jahjaga, do të vizitoj disa qytete të Anamoravës. i kujtojmë që Medvegja, Bujanoci dhe Presheva është një Krahinë Shqiptare dhe kufizohet me Anamoravën e Kosovës, prandaj ia vlen të vizitohet se edhe ata janë bashkëkombës.

Pse të mos vizitohen vendbanime si Karaçeva e Kamenicës pasi Policia, Ushtria dhe Xhandarmëria shpesh shqetësojnë banorët e këtyre lokaliteteve. Pse nuk vizitohen edhe vendbanime dhe lokalitete kufitare të kufirit administrative që është afër me Dobrosinin , Stublinë apo Bilinicën. Asnjë President, Kryeministër apo Kryetar Parlamentit të Kosovës zyrtarisht nuk i ka vizituar bashëkëkombasit e vetë në këto tri Komuna.

Republika e Kosovës vetëm me 50 mijë Euro dhe disa qindra Abetare që ende mbetën të burgosura i ka ndihmuar shqiptarët me shumicë që përbëjnë këto tri Komuna. Në Kosovë rregullisht dhe shumë shpesh bashkëkombësit e vetë vizitojnë Kryeministra të Serbisë, President dhe Qeveritar e njerëz të Kishës Serbe. Por edhe dihet mirëfilli që Gjeneral të Ushtrisë Serbe, Presidenti i Serbisë z.Tomisllav Nikoliq dhe ministra kanë vizituar Preshevën dhe që jan afruar edhe krejt afër kufirit me Gjilanin. Edhe sa do të duhej të presin që Medvegjën , Bujanocin dhe Preshevën të vizitohen,të ndihmohen dhe të investohet tek bashkëkombësit në këto tri Komuna. Pse Presidentja e Kosovës znj.Atifete JAHJAGA nuk e viziton Medvegjën, Bujanocin dhe Preshevën. /2L ONLINE/